𝒁𝑨𝑺

@zas_space Arabic

⋮ Φωστήρας ㅤㅤ نحنُ في الكون، والكون فينا ㅤㅤ 『 @CC6302 @zas_library 』 Bot: t.me/sagangirl_bot

Open in Telegram

Subscribers

4,611

24 hours: –
7 days: –
30 days: –

Average post reach

–

Not enough data yet

Engagement rate

–

Not enough data yet

Posts per day

Average over 30 days

Mentions

By other channels, last 90 days

Interaction rate (ER)

–

Not enough data yet

Per post, on average

Not enough data yet

Citation index

–

Not cited by other channels in 30 days

Ad posts

–

Not enough data yet

Subscriber growth

We started tracking this channel recently; the chart fills in day by day.

𝒁𝑨𝑺 has 4,611 subscribers.

When it posts

Times in UTC. 4 posts in 90 days.

Mo Tu We Th Fr Sa Su 0 6 12 18

Recent posts

14 Aug 2026, 20:19 Open post

كنت مقررة هالسنة أكتفي بالتعبير عن مشاعري بمناسبة الذكرى السّنوية لتأسيس زاس… بس الوقت ما راح يسعفني لحت أعبّر بشكل كافي، لأن عندي مقابلة عمل بعد كم ساعة (ادعوا لي)

1,750 views 52 Reactions
14 Aug 2026, 14:03 Open post

كلّ سنة تمر، احسّ إن ذكرى تأسيس زاس مو بس احتفال بعمرها… هي بطريقة ما احتفال بجزء من عمري أنا هم 💛

1,760 views 36 Reactions
14 Aug 2026, 13:59 Open post

يمكن أكثر مفارقة أحبّها اليوم، إني بدأت زاس وأنا بالسادس، بوقت كان المفروض أدرس لامتحانات تحدد مُستقبلي وكنت اسخت حت انشر بالقناة واليوم أكتب عن ذكرى تأسيسها وأنا مستعجلة لأن بعد كم ساعة عندي مقابلة عمل لخطوة جديدة من مستقبلي

1,740 views 36 Reactions
14 Aug 2026, 13:56 Open post

قبل فترة كنت احچي لشخصي المُفضل عن غصتي وحزني، لأن مو گادرة أكون بنفس نشاطي السابق بزاس، وعن شعور الذنب الّي يجيني أحيانًا لما أتذكر شگد كنت أكتب وأنشر وأبحث، وأشوف شگد الحياة أخذتني اليوم بعيد عنها بس رد عليّ بكلام مستحيل أنساه… گلي: «المهم أنتِ تركتي بصمة لا تُنسى بهذا المجال، والمهم أكثر إنك تعلمتي هواية من كلّ شيء قدمتيه.» ومن وقتها وأنا أفكر بكلامه يمكن فعلًا مو كلّ شيء يُقاس بالاستمرارية اكو أشياء قيمتها بالأثر الّي نتركه، وبالّي نتعلمه ونكبر بيه وأنا فعلًا جدًّا سعيدة بكلّ الّي قدمته طوال السنوات السابقة، وسعيدة أكثر بكلّ الأشخاص الّي تعرفت عليهم من خلال زاس بسبب زاس تعرفت عل أشخاص صاروا جزء لا يتجزأ من حياتي وأعتقد هذا هو ربحي الحقيقي والأكبر من كلّ هالسنين 💛

1,630 views 40 Reactions
14 Aug 2026, 13:49 Open post

ولهذا يمكن أكثر شيء يأثر بيّ لما أفكر بزاس، هو إني طوال هالسنين كنت أعتقد إني أنا الّي دا أبنيها، وأكبرها، وأنطيها جزء مني… وما انتبهت إلا بعد سنوات إن زاس كانت بنفس الوقت تبنيني، وتكبرني، وتترك أجزاء منها بكلّ مكان وصلت له 💛

1,150 views 24 Reactions
14 Aug 2026, 13:46 Open post

وقتها ما كنت أفكر بمهارات، ولا CV، ولا وظيفة، ولا شنو مُمكن استفاد من كلّ هذا بالمُستقبل كنت بس دا اسوي شيء أحبّه…

1,100 views 23 Reactions
14 Aug 2026, 13:46 Open post

واعتقد احلى شيء صار بدون ما أخطط له، إن زاس ما علّمتني عن الفلك وبس علّمتني أبحث، وأدقق، وأكتب، وأبسط، وأختار كلماتي، وأفكر بالشخص الّي راح يقرأ من بعدي وحت طريقتي بالكتابة اليوم، الّي صارت جزء كبير مني ومن شغلي، أعرف إن جزء منها انولد هنا وتصدگون؟ يمكن من أكثر الأشياء الّي تخلّيني استوعب شگد زاس متداخلة بحياتي، إن حت شغلي الحالي زاس كانت إلها يد بي قبل سنة ونص تقريبًا، من قدمت عل شغلي وأنا حديثة التخرج وما عندي ذاك الرصيد الكبير من الخبرة الّي اگدر اعتمد عليه، كانت زاس واحد من الأسباب الّي خلّت مديري يشوف بيّ شيء يستحق الفرصة ويقرر يقبلني وكلّما اتذكر هالتفصيلة، احسّ بشعور غريب وحلو بنفس الوقت

1,130 views 27 Reactions
14 Aug 2026, 13:39 Open post

واعتقد ما اگدر اتكلم عن زاس بدون ما اذكر كارل ساغان… 💛 تأثير ساغان عليّ ما اقتصر عل حبّي للفلك اصلًا، وإنما امتد لطريقة نظرتي للمحتوى وطريقة كتابتي إله منه تعلّمت إن تبسيط العلم ما يعني أبدًا التقليل من قيمته، وإن المعلومة مُمكن تكون دقيقة وعلمية، وبنفس الوقت مكتوبة بطريقة حلوة وقريبة من الإنسان كانت كلماته دائمًا تذكرني إن العلم مو مجرّد حقائق نحفظها، وإنما طريقة نشوف بيها أنفسنا ومكاننا بهذا الكون

952 views 33 Reactions
14 Aug 2026, 13:36 Open post

ما كان عندي أي تصوّر عن شنو مُمكن تصير زاس، ولا وين مُمكن توصل، ولا حت إذا راح استمر بيها اصلًا كلّ الّي كنت امتلكه هو حُبّ حقيقي للكون، وفضول تجاه كلّ شيء موجود ابعد من عدنا، ورغبة إنيّ اشارك هذا الحُبّ بطريقتي

882 views 27 Reactions
14 Aug 2026, 13:33 Open post

أحبّ كلّما أفكر بزاس ارجع للحظة الّي بدأ منها كلّ شيء لأن البداية لوحدها كفيلة تخلّيني ابتسم بكلّ مرة اتذكرها بفترة الامتحانات النهائية للسادس، وبعزّ الوقت الّي المفروض أكون بي أدرس وأفكر بس بمُستقبلي، قررت اسخت بطريقتي الخاصة 🤣 ومن بين كلّ الأمور الّي كان مُمكن اسويها حت اسخت واضيع وقتي… طلعت بفكرة زاس ما أعتقد وقتها خطر ببالي ولو للحظة بس إن محاولة التسخيت هاي راح تتحول لشيء يستمر ويايّة كلّ هالسنين، ويكبر ويايّة، ويصير مرتبط بهالكمية من الذكريات والأشخاص والمشاعر

1,040 views 28 Reactions

Questions about 𝒁𝑨𝑺

How many subscribers does 𝒁𝑨𝑺 have?

𝒁𝑨𝑺 (@zas_space) has 4,611 subscribers as of November 12, 2026.

Where does 𝒁𝑨𝑺 rank?

By subscribers it is #20 among Arabic channels, #4,007 worldwide.

Statistics updated 14 minutes ago.